هِرَن

رَن چَمَلِت آواره کِردمی

تا زلفَلِت بیچاره کِردمی

فِرَه چَمَریت مَنِم اِ پارا

تا مَلهَم بِنین اَر ضَمِم یار

اِ هورا هَتین وَ سار سَنین

بَرزیِ بالات چو دیوار چین

قِسَت چو عسل نازار و شیرین

وِژِت چو هوری چَم بِرو رَنین

تا که تونِم دی سَرِم هَته خِر

چَمِم سَنین بی بالِم کَته کِر

گیسَلِت دُرو شونَلِت پینه

وَ عشقت مَمر کُتَل وَن سینه

سفید مخملی چو رَن اُرین

تو تَنیا هَتین تا دل مِه بُرین

دِلِم وَ فِدای ناز و نَرومت

همیشه راوا بختِت و کومِت

شاعر: ع.ق.پرواز